🌹वीर वधू की पीड़ा राजस्थानी मे🌹

म्हारी घुळगी आंसू मे काजळ रेख ,आंख्या मे आंसू नाय रुके॥

ओढ़ तिरंगो घर थे आया , नेता आंसू आया॥ द्वि वारम्॥

कुटुंब कबिलो रोवण लाग्यो , झुकियो तिरंगो थारे मान ,

आंख्या मे आंसू नाय रुके ॥ म्हारी घुळगी॥ आंख्या मे॥

नांका वाळी नथणी उतरी चूड़ी टूटी आज॥ द्वि वारम्॥

टीकी म्हारी पूछ दी रे मांग घुळी रे लटिया माय॥

आंख्या मे आंसू नाय रुके॥ म्हारी घुळगी॥ आंख्या मे॥

हाथा वाळी मेहंदी छूटी लाड़ल रोवे आज॥ द्वि वारम्॥

लाड़ल ने परणाया बिन क्यू , छोड़ दियो जी म्हारो साथ॥

आंख्या मे आंसू नाय रुके॥ म्हारी घुळगी॥ आंख्या मे॥

टाबर थारा बिलख्या फिरसी बिन बापू के आज॥ द्वि वारम्

या का कुण तो लडासी अब तो लाड ,

आंख्या मे आंसू नाय रुके॥ म्हारी घुळगी॥ आंख्या मे॥

बहेनड़ थारी झुर झुर रोवे , नदिया नेण बणाय॥ द्वि वारम्॥

या तो कुण के बांधेली राखी आज ,

आंख्या मे आंसू नाय रुके॥ म्हारी घुळगी॥ आंख्या मे॥

मात पिता थारा दोन्यू रोवे सागर नेण बणाय॥ द्वि वारम्॥

ऐ तो रो सी उमर भर ताय, आंख्या मे आंसू नाय रुके॥

म्हारी घुळगी आंसू मे काजळ रेख , आंख्या मे आंसू नाय रुके॥

(आगे हिवड़ा मे हिम्मत धार शहीद सैनिक रे आगे अपणा दुख रे साथे रोवती रोवती हिम्मत अर सम्मान भरिया वीर वधू रा भावा ने सुणो)

संगीना ने उलटी करदी सगला सैनिक आज ,

संगीना की नाळ्या नीचे करदी सैनिक आज॥

थाने सैना दियो जी मोटो मान , निवण थाने आज म्हे करू॥

म्हारी घुळगी आंसू मे॥ आंख्या मे आंसू नाय॥ द्वि वारम्॥

मन की पीड़ा मन मे राखू गरब करू म्हे आज॥ द्वि वारम्॥

म्हे तो वीर वधू होगी आज , निवण थाने आज म्हे करू॥

म्हारी घुळगी आंसू मे॥,आंख्या मे आंसू ॥ द्वि वारम्॥

टाबरिया ने खूब पढ़ा स्यू मन री पीड़ दबाय॥ द्वि वारम्॥

याने फौजी बणास्यु फेरू आज , राखूली थांको मान॥

निवण थाने आज म्हे करू॥ म्हारी घुळगी आंसू मे॥ आंख्या मे आंसू॥

कलम के विविध रंग हिन्दी व राजस्थानी भाषा के संग